Asaani se jo badalte nahin, dekho badal gaye - haan! Parampara nahin, Atalji bids farewell in a whole new style of poetry.
Main aapka former PM bol raha hoon,
Aaj neta logon ki pol khol raha hoon.
Dilli India ki rajdhaani hai,
Magar yahan bijli hai na paani hai.

Sab apna bhala karte hain,
India ke gareeb marte rahein.
Hamare bachche America mein padhte hain,
Income tax waalon se hum kya darte hain?

Paanch saal baad voter ke paas gaye, '
India Shining' ki mithaas liye.
Filmi sitaron ne bhi dialogue maare,
Pata nahin hum phir kyun haare?

Exit poll waalon ka kamaal dekha,
Research ke naam mein kuch bhi pheka.
Andhra mein aa gayi aandhi,
TV channels ki ho gayi chaandi.

Politics mein woh sitaare jinhe kaam nahin,
Bambai mein ab MP Govinda, Ram nahin.
Bambai woh nagri jahan filmein banti hain,
Aur actor Dharmendra ki donon patni hain.
 
Patni woh jo politician ko zaroori hai,
Ek family mein do seat ki hazoori hai.
Mera kabhi successful romance hota,
To aaj mere bete ko chance hota.

Rahul bete, ek acchi advice hai,
Ab jaldi se dhoond kar ek wife le.
Chahe Kashmir se ya Kanyakumari se,
Magar kar kisi Indian nari se.  

India ke voter ajeeb hai,
Yeh bhi koi tehzeeb hai?
Ab Lok Sabha saas bahu serial se badhiya hoga,
Jab Laloo aur Sidhu ka angrezi mein jhagda hoga.

Kam se kam Mamataji chup hoyengi,
Kahin kone mein baith kar royengi.
Murli Manohar Joshi ki haar ho gayi,
IIM waalon ki party chaar ho gayi.

M bole to apne Munnabhai ka baap,
Jail gaya ladka to kaun sa paap?
Politics mein sab chalta hai,
Khaali aam aadmi jalta hai.

Aam mere favourite phal hai,
Power aaj nahin to kal hai.
Ladenge jhagdenge ye log,
Gaddi ka yehi toh hai rog.

Main Chywanprash leta rahunga,
Health rahi to neta rahunga.
Aapke pyaar ke liye dhanyawaad,
See you - ek break ke baad.
Jai Hind.
- Rashmi Bansal